كم من مرة أو كل كم بلزم أعمل جلسات عناية لبشرتي ؟
من أكتر الأسئلة يلي بنسألها من أغلب السيدات! والجواب عليه بكون كالتالي :
– إذا بدك تعالجي مشكلة معينة في بشرتك مثل : كلف، حب شباب، تفتييح، فأكيد جلسة وحدة مش رح تعطي النتيجة المطلوبة. وعادةً بنصح أنك تعملي من 4 الى 10 جلسات.
– أما إذا بدك تروح/ي عند أخصائية البشرة عشان تنظيف البشرة فقط، فهون ما في وقت محدد.
يعني مرة كل شهر إذا كانت البشرة دهنية. وممكن كل 3 شهور مرة إذا البشرة كانت غير دهنية.
علمًا أنه تغيير الفصول إله دور كبير، في ناس بتحتاج عناية أكبر في فصل الشتاء والأجواء الباردة وفي سيدات بشرتهم بتتعب جداً من الشمس.
كثير سيدات بتحكيلي بدي أعمل جلسة نضارة وأكون “مثل الممثلات” أوالناس اللي بتطلع على التلفزيون. وبكون جوابي لإلهم: أنه المشاهير بيعتنوا في بشرتهم بشكل دوري ودائم، يعني ممكن أكتر من مرة بالشهر لحتى تكون بشرتهم جاهزة للمكياج والإضاءة.
يعني الجواب بالمختصر، ما في عدد معين و ثابت للجميع، لأنه عدد الجلسات بيعتمد على شو هدفك من الجلسة.
وكمان سؤال بنسأله، هو إذا أنا بعتني في بشرتي منيح في البيت هل هالشي بيغني عن الجلسات؟
والجواب: هو أكيد العناية المنزلية جزء أساسي ومهم ولكن للأسف أنتِ ما فيكِ تعملي كل شي في البيت أو عن طريق منتجات العناية بالبشرة اللي بتشتريها. مثل: الميزوثيربي، شد البشرة، التفتييح العميق والتنظيف العميق.
ومتل هي الخدمات بتقدري تحصلي عليها في عيادة أمل للعناية بالبشرة، ابتداءً من التحليل المهني للبشرة مروراً ببناء روتين خاص للعناية بالبشرة وانتهاءً بالجلسات العملية المتقدمة الخاصة لحل وعلاج ووقاية البشرة من مشاكل البشرة المتعددة.
