من فترة وأنا بتسوق في المول، قابلت صبية – كانت علامات التعب والإرهاق واضحة على وجها وبشرتها، وانتباهها مشتت مع طفلها الصغير اللي بالعرباية –  وأول ما اتحدثنا، بادرت بإظهار اعجابها في عملي وبفكرة ملفات أمل للعناية بالبشرة. فأنا شكرتها على إعجابها، وعلقت بعفوية: عقبال ما تنبسطي في نتائج بشرتك، أهلاً وسهلا فيكِ بأي وقت

:وبعدها دار بينا حديث

!الصبية: أنا عندي ٣ أطفال

 !أمل: إذا عندك أطفال، بتتركي وجهك وبشرتك مُتعبين (هالات سوداء حادة أسفل منطقة العيون وبقايا كلف حمل)

الصبية: خلص اذاً، أول ما يدخل ابني الأصغر المدرسة، رح افضى لنفسي، واول اشي رح أعمله هو أحجز موعد عندك لحتى أبدأ بداية صح

!أنا بكل عفوية، فكرت أن ابنها الصغير في الحضانة، وحكيتلها: أكيد فيكِ تتواصلي معنا بأي وقت واحجزي موعد في الوقت اللي بناسب

!وكان جوابها صادم بالنسبة لألي: اه من هون ليدخل ابني المدرسة بده ٣ سنين

،عزيزتي الأم

.أنتِ مُضحية ومربية أجيال وأنتِ أكتر شخص بتعب خلال النهار. ولكن، بشرتك والعناية فيها ما الهم أي علاقة بالموضوع

.تربية الأطفال والاهتمام فيهم ما بعني إنك تهملي بشرتك! ما تخلي تركيزك موجه فخيار واحد بس،يا أما بتهتمي ببشرتك وتحافظي عليها، يا بتهتمي بأطفالك!

.لأن معالجة المشاكل اللي تعرضت وعانت منها بشرتك وتم إهمالها على مدار السنوات السابقة، أصعب ومُكلف أكتر مقارنة بعلاج نفس المشاكل بشكل دوري ووقائي

: بحب أوجه مجموعة من النصائح لجميع الأمهات بعد هيّ الحادثة اللي صارت بيني وبين هيّ السيدة

.١) لما تسألي نفسك أو أي شخص يسألك: ” ليه بشرتك تعبانة؟” لا تخلي جوابك بدور حول الولادة وتربية الأطفال

٢) إذا وقتك خلال النهار ضيق بعد الولادة، وما معك ساعة واحدة كل شهرين في فترة ما بعد الولادة، الحل حتى تخففي وتمنعي تفاقم حجم المشاكل اللي رح تعاني منها بشرتك، يكون من خلال الاعتناء ببشرتك ولنفسك في فترة ما قبل الولادة

وهلأ صار بإمكانك الإستفادة من خدمات ملفات أمل للعناية بالبشرة، وإعداد ملف أمل للعناية بالبشرة – البريميوم. وهو الملف الذي أنصح به بشدة للنساء المُقبلات على الحمل وللنساء الحوامل وللنساء حديثات الولادة؛ لأن خدمات الملف البريميوم تأخذ بعين الاعتبار جميع العوامل التي تؤثر سلبًا على البشرة وتعمل على مقاومتها ووقاية البشرة من المشاكل المتعددة وعلاجها

وطبعًا كخدمة تكميلية عند اعدادك لملف أمل للعناية بالبشرة، تحصلي على قائمة تتضمن مجموعة من منتجات العناية بالبشرة الخاصة والملائمة لنمط حياتك كامرأة حامل أو حديثة الولادة

وقتك خلال هذه الفترة ما بكون ملك إيديك، لكن خطوات صغيرة بتعمل تغيير ايجابي كبير